林建岳

平時休閒做運動，golf可以話係我嘅至愛。打開golf嘅朋友可能都會覺得，打波如果襯番件好舒服嘅靚波衫，心情都會靚啲。我好鍾意日本潮流運動品牌Dance with Dragon嘅波衫，最近成功將佢引入香港，希望可以介紹畀更多香港朋友。日前，位於中環鬧市嘅第一間旗艦店已正式開張。

每年三月香港都有多項藝術活動，當中不得不提巴塞爾藝術展（Art Basel）。Art Basel奠定咗香港喺區內藝術市場的中心地位，每年藝術展都為香港帶來不少訪客，包括各地藝廊參展商及收藏家等。有見每年三月香港都有好多藝術文化盛事舉行，所以旅發局特別將三月打造為「香港藝術月」，推廣多項文化藝術盛事。適逢今年係香港特區成立二十周年，旅發局特別揀選咗二十張能表達「香港鮮為人知的藝術秘點」嘅照片，讓旅客喺參觀頂尖藝術展之餘，亦能感受到香港充滿本地特色的藝術文化。

香港是一座經濟城市，開埠百多年，由昔日的一個小漁港變成今日的國際大都會，一切都來之不易。一直以來，內地是香港發展的最大靠山，近年通過CEPA協定、開放「自由行」、「滬港通」、「深港通」等多項政策落實，為香港經濟發展注入更多活水。

相信有關注開我個專欄嘅朋友都知道，農曆新年過後，演唱會一個接一個。上星期五晚，黎明（Leon）再次喺中環海濱活動空間開騷，僅此一場嘅露天演唱會。近來呢類戶外騷愈來愈多，搞戶外騷也是辦盛事，除了要準備一般的舞台燈光聲效之外，仲需要搭建場地等，製作要求比普通室內騷更高。近年香港多了中環海濱、啟德郵輪碼頭廣場等戶外場地，可以舉辦多種多樣的mega events。我一直期望，香港可以有更多新概念的mega events，這也是我們推廣香港吸引旅客的一個重要策略。

香港樂壇就好似一個大家庭，歌手、作曲人、填詞人，大家平時都係好朋友，不過好似王菀之（Ivana）同張敬軒（Hins）咁，喺舞台上如此有默契，都幾難得。上個周末，Ivana同Hins首次合作開concert《The Magical Teeter Totter張敬軒•王菀之演唱會2017》，一連四晚於紅館上演。

韓國娛樂文化強勁，「韓風」席捲亞洲以至全球。人氣男團EXO上個周末嚟到香港，一連兩晚喺Asia World Expo演唱會。不少年輕朋友鍾情韓星，而家交通愈來愈方便，各地年輕人亦都興起到周邊地區睇show順道旅行。今次喺亞洲博覽館開show，雖然離市區較遠，不過對於專程搭飛機來港嘅海外歌手同fans嚟講，位置fit晒。如果將來啟德體育園區嘅場館落成啟用，搭郵輪嚟香港睇show，似乎也是不錯的選擇，更加可以帶旺消費和過夜旅客增長。

上星期六，由香港文化產業聯會總會（文聯會）與香港絲路文化協會聯合主辦嘅「一帶一路系列：古絲路文化研討會」，喺香港中央圖書館舉行。對於絲綢之路呢個concept，有啲朋友可能不太熟悉，但講到文化交流，相信大家一定唔會陌生。香港可以話係東西方文化交流嘅重要窗口之一，就好似位於深水埗嘅李鄭屋漢墓，相信不少朋友都去過，古墓中穹頂結構的靈感原來係來自波斯，呢個對研究古絲路文化有重要意義。面對國家「一帶一路」發展戰略，如果我哋可以把握機遇、充份發揮香港嘅獨特優勢，相信可以打造出「一帶一路」下，最理想嘅國際文化交流平台，推動本港文化產業發展再創高峰。

喺東京舉行嘅發佈會，旅發局推出四條全新宣傳片，由港人嘅角度去遊歷香港、感受香港，帶領旅客跟隨我們腳步發掘最地道旅程。我哋仲請到兩位日本「香港迷」義務做「代言人」，一位係人氣強勁嘅影星水原希子，另一位係銀座久兵衛主廚今田洋輔，我即場頒發「星級香港迷」證書多謝佢哋支持。今年旅發局會繼續加強海外市場嘅推廣，以及舉辦mega event並加入更多新元素，希望可以吸引更多過夜旅客，做旺本港旅遊業，做足「好客之都」的宣傳。