上周習主席在香港慶祝回歸二十周年來港視察，提醒我們「蘇州過後無艇搭，大家一定要珍惜機遇、抓住機遇，把主要精力集中到搞建設、謀發展上來」。習主席見證國家發改委與粵港澳三地政府簽署框架協議。中央提出的「一帶一路」戰略及「粵港澳大灣區規劃」，為香港帶來前所未有的機遇。
粵港澳大灣區涵蓋珠三角九個城市及港澳特區，總人口約六千八百萬，本地生產總值約一點三萬億美元，合作發展所帶來嘅經濟潛力，不容忽視。以電影產業發展為例，將知名遊戲作品拍成電影，成為一股新趨勢，不少大型遊戲都相繼實現電影化，取得不錯票房成績。近年內地遊戲產業日益蓬勃，深圳係遊戲研發及創科研究嘅主要基地，擁有豐厚基礎，如果善加利用作為電影主題，可以打造出更多具質素嘅電影。
講到電影拍攝，香港絕對係強項。o依家電影製作好多時都要用到電腦特技效果，荷里活嘅特技班底固然係世界首屈一指，內地電腦科技也水平一日千里，已趕及荷里活嘅水平。就好似即將上映嘅電影《鮫珠傳》（見圖），所有animations 都係由我哋內地電影人自己做。香港同內地可以喺人才培養方面有更多合作，譬如喺前海打造一個電腦特技培訓基地，為電影業提供更多專業技術人才，合力發展華語電影產業。
從電影業發展就可以睇到，融合咗國產片同港產片精髓嘅華語電影，有能力走向更廣闊嘅國際市場。建設大灣區城市群，發展灣區經濟，亦係將各地嘅優勢互補，無論對行業發展，還是整體經濟而言，都將會是無限機遇。
(刊於 頭條日報)