Sammi加油! (林建岳) – 評論文章

能夠十次站在紅館開個唱,絕對係實力同人氣嘅象徵。鄭秀文(Sammi)上星期開始再度踏足紅館,一連十三場舉辦《#FOLLOWMI鄭秀文世界巡迴演唱會香港站2019》演唱會。

Sammi一九九六年首次登上紅館舞台,今年係佢第十次踏足紅館舉行演唱會,上星期六我都有去現場支持佢。Sammi狀態非常好,勁歌熱舞,舞台花盡心思,仲有多個造型。登場以純白色紗裙,打頭陣《終身美麗》唱到一半,就換上粉紅長裙;之後《衝過去》時,吊威吔高難度空中飛人舞蹈。之後到《我們都是這樣長大的》,這亦是今次演唱會的主題曲,呢首歌只係plug咗一星期都唔夠,網上傳唱度極高,好多演唱會觀眾都已經識唱。

我知道Sammi今次演出特別用心。演唱會加到十三場,佢特意在長達半個月嘅演唱會檔期中留了幾個break,就係要keep住最佳狀態為觀眾演出。其實有睇開Sammi IG的朋友都知道,Sammi同整個團隊為咗準備今次演唱會花了很多心思,付出了很多,希望帶畀觀眾更多富新鮮感嘅舞台演出,今次#FOLLOWmi演唱會是商業性和藝術的融合,將創作最好嘅一面展現畀觀眾。「實在不甘於只吃『所謂老本』的格式,和不斷重複以往演唱會的格式……Sammi作為一個表演者,必須交出最好的功課」。

另外,Sammi今次亦以實際行動支持「走塑」,鼓勵大家用電話燈光APP代替熒光棒,為環保略盡綿力。

嚟緊仲有幾場演出,相信佢每一場都會付出一百二十分嘅努力,堅持做到最好。

Sammi,加油!

(刊於頭條日報)

訂閱經民聯訊息

Please enter your email:



佔領中環 劉皇發 張俊勇 張華峰 房屋 拉布 政制 政制改革 教育 施政報告 旅遊 普選 林健鋒 林建岳 梁君彥 梁美芬 盧偉國 石禮謙 經民聯 經濟 規劃 證券 證券業 財政預算案 金融