ENG

Dance with Dragon (林建岳) – 評論文章

平時休閒做運動,golf可以話係我嘅至愛。打開golf嘅朋友可能都會覺得,打波如果襯番件好舒服嘅靚波衫,心情都會靚啲。我好鍾意日本潮流運動品牌Dance with Dragon嘅波衫,最近成功將佢引入香港,希望可以介紹畀更多香港朋友。日前,位於中環鬧市嘅第一間旗艦店已正式開張。

新舖開張,唔少好朋友都有嚟捧場,包括任賢齊(小齊)、陳凱韻(甘比)、水原希子、C AllStar組合成員,仲有模特兒李詩穎、劉沛蘅、林鈺洧、陳詩雅、謝琬婷及麥少瑜等。平時熱愛運動嘅小齊,原來佢大學嗰陣係修讀體育系,當時其中一科就係golf,佢着住Dance with Dragon嘅風褸登場,相當有型。近期人氣強勁嘅日本影星水原希子,我知道佢係個超級香港迷,為推廣香港旅遊出咗唔少力,都希望將日本潮流品牌帶到香港,佢一到場就用廣東話同大家say hello。

Dance with Dragon嘅創辦人橋本先生(Yasutsune Hashimoto)都好鍾意打golf,橋本先生同我講,當時創立呢個品牌,就係希望打破高爾夫服裝千篇一律嘅感覺,銳意喺設計上將功能性與潮流元素相結合。我記得喺日本旅行第一次見到呢個品牌嗰陣就已經「一見鍾情」,佢嘅服裝採用特殊布料,質地輕薄,好啱運動嗰陣着,而且實用得嚟,形象好young、好活潑,真係啱晒我嘅要求!通過今次合作,更加睇到佢哋做事一絲不苟嘅精神,從裝修設計、牆面燈飾佈置,到貨品擺設等,每一樣都相當講究,好用心去準備。

Dance with Dragon於二○○三年創立,除了年輕活潑嘅休閒運動服飾之外,亦推出不同配件,譬如皮帶、潮帽、高球袋、手袋等,全部made in Japan,運動休閒之餘,亦能凸顯出時尚品味。Dance With Dragon仲會定期推出新嘅主題,譬如今年春裝就以「笑臉」(full of smile)為主打,深受不少年輕朋友喜愛,再配合粉紅、黃、藍等色調,絕對係一個字,sharp!

(刊於 頭條日報)