我在大嶼山發展諮詢委員會服務已有個四年頭，好開心見到喺推進大嶼山可持續發展上有進展。大嶼山位處香港西南，建有全球其中一個最繁忙嘅機場；而且，港珠澳大橋就快開通，大嶼山可持續發展，將有助促進香港與大珠江三角連繫。其實，大嶼山實質上是香港通往全球和大珠三角地區的國際和區域門戶﹔強化粵港澳大灣區的跨境交通網絡，對區域經濟和社會發展可以帶來正面影響，同時亦可以鞏固和提升香港國際金融、航運、貿易三大中心地位，推動旅遊、物流等發展。
大嶼山擁有廣闊的郊野公園，有富吸引力的旅遊景點，仲有新市鎮。o依家，大嶼山北岸將會進行策略性經濟和房屋發展，而其餘大部份地區會作自然及人文歷史保育，配合一些可持續旅遊和休閒用途。
其實，大嶼山發展同旅遊業息息相關，迪士尼、天壇大佛、昂坪360等旅遊景點，係唔少市民和旅客假日休閒好去處。其中一個建議畀政府，就係研究推廣大嶼山與市區之間嘅水上交通，特別是連接大澳、東涌同埋市區嘅水上交通，可以疏導陸路交通之餘，亦為大嶼山居民和旅客提供相對休閒的另類交通選擇，仲有潛力成為觀光船。
除此之外，其實在旅遊盛事方面，我們亦希望有更多新想法。譬如將來如果可以在港珠澳大橋舉辦大型國際單車賽和馬拉松賽事，不但可以宣傳大橋同大嶼山旅遊特色，亦有助提升香港旅遊形象。大嶼山在蛻變中不斷發展，我哋需要平衡經濟發展和保育需要，將可持續大嶼發展藍圖成真。
(刊於頭條日報)