呢個星期，城中最hit 話題之一，肯定係黎明4D in Live 演唱會。為慶祝入行三十年，黎明再次在香港舉行個唱。這是他首個不在紅館的大型演唱會，選址在中環海濱活動空間，全新搭建巨型全天候恒溫帳篷，並配合4D 立體視覺及環迴立體聲現場感觀效果，每場只限四千五百名觀眾……可惜，做entertainment 嘅都知，如果個event 出現在港聞而非娛樂新聞，由C1 版面去咗A1，九成都係危機。
為了保障歌迷安全，我們臨時取消了第一場演唱會。面對危機，黎明第一時間親自站出來坦誠交代情況。之後的二十四小時，他多次透過fb 向大家update事情進展，亦有釐清一些誤解。在那二十四小時當中，Leon 及他的團隊盡力將問題一一解決。一位artist，有如此承擔，如此觸覺，贏得歌迷及公眾的體諒。我同Leon 合作咁多年，深知他的為人，我一定會繼續沿途支持他。
在香港，戶外4D 演唱會是新嘗試。本來係一件盛事，但在籌備過程中出現問題，是我們的責任。我都好唔開心，因為冇辦法將全新概念的4D 效果呈現在香港觀眾眼前。然而，這個情況，整個團隊都要吸收經驗，是一次學習，也是寶貴的一課。我十分期望，香港可以有更多新概念的mega events。舉辦多種多樣的mega events，正是我們推廣香港吸引遊客的一個重要策略。
開show 呢幾晚，當我放工離開辦公室經過添馬公園，都見到唔少朋友聯同三五知己，在「核心」外圍，一邊野餐，一邊享受因為拆咗帳篷而由「核心」散發出來的黎明歌聲。坎坷過後唔只有show 睇，仲由危機變成體諒，再變成與眾同樂。如Leon 廣告金句：「要贏人先要贏自己。」面對今次危機，他就做了一個好靚嘅示範。
在此，我再次多謝大家的體諒及支持！更衷心多謝所有人的幫忙！