區區有戲院 仲有美食 (林建岳) – 評論文章

香港電影業近年發展勢頭不俗,我哋MCL院線也積極開拓市場,除了開設新戲院之外,今年我哋先後翻新康怡戲院、德福戲院,無論裝修還是設備上都有全面提升,希望帶畀觀眾全新視聽享受。今個星期,MCL德福戲院舉行開幕典禮,重新與觀眾見面。

翻新之後嘅MCL德福戲院繼續設有六個影院,全部升級4K數碼投影系統,合共提供七百八十九個座位,戲院仲換晒高背皮椅,比起以前嘅座椅更加舒服。其中,一號影院係全港第二間MX4D動感影院,可以配合電影場景,提供十一種不同動感特效;至於二號及三號影院就命名為House FX,採用Dolby Atmos全景聲音效系統及美國Buttkicker系統,希望可以喺聲、光、畫方面帶畀觀眾最優質嘅享受。

熟悉我的朋友都知道,我除咗娛樂事業外,對美食亦頗有研究。今次新戲院除咗供應傳統爆谷等小食外,我哋更特別引進來自摩納哥的漢堡包餐廳Grubers,開設亞洲首間分店,帶來多款嶄新口味漢堡包。Grubers提供多款即叫即製漢堡包,全部食材由摩納哥直送,絕對原汁原味。餐廳裝修設計充滿濃厚工業味,以水泥牆配上大量復古感重嘅原木桌椅及石地板,型格十足。

嚟緊我哋會繼續雙線發展,一方面物色地方開設新戲院,另一方面繼續旗下戲院翻新升級計劃,向「區區有戲院」呢個目標不斷邁進。

香港影視娛樂一直引領潮流,如果有多啲放映場地,不但可以方便市民睇戲,培養更大的觀眾群;更可以吸引到更多人才從事電影創作,增加年輕人投身電影行業的機會,支持香港電影業不斷發展。

 

(刊於 頭條日報)

訂閱經民聯訊息

Please enter your email:



佔領中環 劉皇發 張俊勇 張華峰 房屋 拉布 政制 政制改革 教育 施政報告 旅遊 普選 林健鋒 林建岳 梁君彥 梁美芬 盧偉國 石禮謙 經民聯 經濟 規劃 證券 證券業 財政預算案 金融