屠殺「黃牛」(林建岳) – 評論文章

香港人十分重視文化娛樂康樂活動,演唱會、球賽、話劇、歌劇等等,好多時都一票難求。一票難求就好易帶嚟排隊,甚至「黃牛」。我旗下公司亦有開唔同嘅show,好多時朋友也好、fans也好,碰面時都有同我呻撲飛艱難。

近日「黃牛」再次引起社會熱議。其實,唔少業界朋友都希望業界健康均衡發展,同時亦希望讓更多唔同朋友欣賞到表演。如何解決這個狀況,的確值得大家一齊探討。

近年「黃牛」愈見厲害,網絡二手市場發展可謂誘因之一。市面上多了很多二手炒賣網站,網上轉讓門票亦較以往方便,加上炒賣的暴利空間,催生二手黃牛市場發展。因此有意見認為,政府應該研究修訂法例,加強規管紅館等娛樂場館黃牛活動,提高刑罰水平;同時亦應該監管二手市場經營者以及二手網站的運作,從源頭打擊「黃牛」活動。

業界方面亦積極嘗試不同方法改善發售方式,譬如限制每人只能購買兩至四張門票,適當增加公開發售門票數量等,就係希望讓更多人可以買到飛入場睇show。

至於實行實名制,在細節執行上,觀眾需要提前數小時排隊入場核查身份證明文件,即係本來大約八點入場,實名制就可能要大家六點幾七點就要在場外排隊,苦了觀眾﹔而且,實名制對旅客訂票也會引起不便,因此仲需要大家多作討論。

除此之外,供求問題亦需要得到重視,香港演唱會發展蓬勃,不但吸引各地歌手來香港開show,好多不同地方的朋友亦會專程來睇show,只要有巨星開show,他們絕對願意遠道而來,這股潮流也帶旺本港消費和旅客增長。

不過,香港缺乏足夠的大型表演及會展場地,紅館是市區唯一可以容納一萬人以上的表演場地,檔期長爆,歌手要搵個表演場地都唔易。如果可以增加演出場地,譬如在政府正規劃建設的西九文化區和啟德體育園等,相信可以有助緩解供求緊張的問題,豐富市民文娛康樂生活,同時亦促進業界健康發展。

(刊於頭條日報)

訂閱經民聯訊息

Please enter your email:



佔領中環 劉皇發 張俊勇 張華峰 房屋 拉布 政制 政制改革 教育 施政報告 旅遊 普選 林健鋒 林建岳 梁君彥 梁美芬 盧偉國 石禮謙 經民聯 經濟 規劃 證券 證券業 財政預算案 金融