熟悉韓流的朋友都一定會知道MAMA有幾閃有幾勁。MAMA，就係Mnet Asian Music Awards，唔單止係韓國年度音樂盛典，更加係亞洲最大最頂尖音樂頒獎禮。今晚，MAMA就會喺Asia World Expo盛大舉行！自二○一三年起，我哋寰亞Media Asia已經係連續第四年成為MAMA嘅共同製作單位。
今晚MAMA絕對係三個字，就係「閃」！出席今晚頒獎禮嘅有南韓人氣組合EXO、防彈少年團（BTS）、GFriend、 Seventeen、TWICE、I.O.I、NCT DREAM等等。頒獎嘉賓更加係陣容鼎盛，有今年人氣韓劇《雲畫的月光》嘅主角朴寶劍和金裕貞，以及早前本港電視台熱播韓劇《來自星星的你》嘅演員安宰賢。除此之外，更加有出爐青龍影帝李秉憲，一眾韓星包括車勝元、張赫、河智苑、韓孝珠、韓智敏、朴敏英、朴基雄、李智雅、徐康俊、朴敍俊、朴河宣、申惠善、模特兒姜勝賢等，絕對有睇頭！
每年大會都會邀請一位重量級巨星擔任壓軸頒獎嘉賓，去年由周潤發頒年度歌手獎，今年大會就邀得Leon黎明擔任壓軸嘉賓登場頒發大獎。
MAMA不止會在亞洲、歐洲、北美、大洋洲四大洲同時播放，同時也透過互聯網、手機等多元方式播出，希望超越國籍、種族和世代，讓全球音樂fans可以互相交流，希望是一場幾十億人一起享受的國際音樂盛典。韓國大會日前在記者會都交代，連續五年在香港舉行的原因，係因為大會要為頒獎禮做全球直播，因此需要位置便利、有穩定系統及基礎設施的地方，而香港就係首選。
因此，我們常說，會展旅遊（MICE）係一個香港旅遊的重要板塊，展覽、大型會議同埋大show的場地都十分緊張。
如果香港要繼續喺呢一個板塊擴展，就一定要探討如何增加會展場地了！
(刊於頭條日報)